عقيل المديسيس: رايتك يا دار مرفوعة

عقيل المديسيس  

الشاعر/ عقيل المديسيس

بين الدول رايتــــك يادار مـرفــوعــه
تحمل شعــار السلام المنهـج السامي

السيف مع كلمـة التوحيـــد مطبوعه
على علـــم ماينكّـس بين الأعــــلامي

بين الدول كلمتـك يادار مسمـوعـــه
ي مقــدم العُـرب . ياحامية الأسلامي

يامن بك الخايف اللي كثـرت فجـوعه
ويزبنك من لوعـــة الأيــــام منضـامي

سفيـــرة الخيــر في كمــه وفي نوعــه
تسيرين الجســـور بشرب وإطعـــامي

في طايراتٍ له الشيــــكات مدفـوعــه
بأسم المواطن تغذي عـــود وأيتـامي

دستورك آيات ماهي كتب موضــوعه
وهدي محمد محطم روس الأصنامي

واليوم في ظـــل شيـــخٍ كلنا طـــوعه
ابوفهد سيفنا ومهيـب الأخصـــــامي

غيثٍ على الدار مثل المـاء وينبــوعه
مليكــنا القـــايد الزيـــــزوم والــزامي

الحازم اللي عـدوه يعــلن خضــــوعه
يعلن خضـــوعه ولو طــالنّ الأيـــامي

سلمان ســـور الوطــن كيلّوه وبــوعه
من غـرب ياما تجي للشـرق دمـــامي

ومن الشمال لجنـوب الدار وفروعــه
تحت نظـر سيـدي والله لها الحــامي

وتحت نظر من يهول الغرب مشـروعه
محمد الفــذ درع الدار وحــــــزامي

ولي عهدٍ طلـــوع السعد بـطــلـوعه
على المعـــــالي بتيــع الراي جزّامي

اعدا الوطن كلهم صارو تحت كوعه
ثم داسهم سيـدي م تحت الأقـدامي

جاهم بجيشٍ يرج القــــاع بجمـوعه
على حدود الوطن يثنون بأقــــدامي

أخــوان من طـــاع ربه لله ركـــــوعه
ماتركــــع الا لربٍ يجــري الأنسـامي

منهم عــــدو الوطــن تصيبه الروعه
صيــارمٍ صــــارمينٍ حيــل صـــرامي

صافين صلفين ضد الخصم وتبوعه
بآلات حـربٍ تقص الراس وعظــامي

تبشرو بالنصــر والروس مرفــوعــــه
الجيش بدد جميــع اللي له أحلامي

اللي طمع بالوطن . نحطــم ضلوعه
مهما يجيّش علينا أقزام وأقـــــلامي

اللي نــوانا بشــرٍ نخلـف رمــوعـــــه
نخلف نواياه حتى يصبـــح حطامي

نضكه الضكة اللي تظهـــر دموعــــه
نقلمــه مثــل أضـــافــرنا تقـــــلامي

تعليق واحد

  1. صح لسان الشاعر عقيل المديسيس
    كعادته مبدع والوطن يستاهل منا الكثير

    اللي طمع بالوطن . نحطــم ضلوعه
    مهما يجيّش علينا أقزام وأقـــــلامي

    وصح نقلكم دايم سباقون ي سبر نيوز

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى